أنفا سبور بريس : ياسين حجي ”
الرأس الأخضر لعبوا ماتش كبير وكانوا يثقلو غانا بحصة كبيرة بدليل أحسن لاعب في الماتش هو المدافع الغاني “دجيكو” لجبدها من الشبكة وطاكلة وماركا، وزيد عليه حارس المنتخب الغاني “اوفوري” لوقف شحال من انفراد، من الدخلة كل واحد في #بلاك_ستارز كيبان داير داكشي لقال ليه راسوا ولاعبين رطبين وحتى واحد ما فيهم ما كيتبع البالون البيت الأول كانو خمسة ضد ثمنية في نص تيران والأخير وصلو خمسة ضد خمسة الكاري ضربها كابرال من برا الكاري مزيانة جبدها الحارس تحطات قدام مونتيرو رجعها للشبكة ويعلنها أن #الروكان_لزرق أحسن من النجوم السوداء في هاد الماتش، دازات ميطا ما بين لشدها من الغانيين باغي يدير لفراسو وصراحة داك اللعب الفردي كان غادي يدير النتيجة، في الوقت لرأس الأخضر كانوا خايفين أكثر من لقياس وبقاو شادين بلايصهم باش يضمنوا الرباح…
ميطا الثانية على نفس المنوال ولكن في الدقيقة جا كورنير لغانا ما كاينش ضغط من لاعبي الراس الأخضر على “دجيكو” لقاوها في الشبكة، نفس النسق الغاني وخا دخل “أندري اآيو” و”ايناكي ويليامس” ديال #اتلتيكو_بيلباو ولكن راه أندري غير دخل يعاون خوه في اللعب الفردي في الوقت لرأس الأخضر كيحاولو يلعبو كورة ويوصلو ولكن تألق السالفة أسماءهم في البداية، خلاتهم حتى وقع الغلط في الدقيقة 92 منين شي دخل فشي وبإصرار “بنشيمول” لاعب الفريق الثاني ديال #بنفيكا لدخل كبديل تبع الكورة وحطها “رودريغيز” لاعب “أنقرة كوغو” التركي لكان واقف بوحدو دردبها للشبكة ويعلن نصرا مستحقا لفريق لعب كرة القدم بإحترام.
إلا كانت شي حلقة ضعيفة في المباراة هو اللعب العشوائي لمنتخب غانا ومن العادي يكون المدرب الإيرلاندي “كريس هيوتون” هو المسؤول على ستيل ديال اللعب أعلن أنه ما كاينش شي واحد واقف في البون توش
