أنفا بريس سبور : ياسين حجي
ݣاع لما بين قوسين قراوه بلكنة #الشوالي (يا خويا واش بيك يشتتها المهاجم من مناطقنا وتتبعها يا عْلي يا ولد #معلول ويجري قدامك “موتزو” ليلعب في فريق الدرجة الثانية الجنوب الافريقي، ويسونطري پاس ديال لاودروب في 1992 ويقطع لها “هوتو” وبحطها في مرماك يا البشير، وبكل صراحة تبهدلنا)، هذا التعليق من الخيال ولكن راه كيجمع كل ما دار في الماتش، #تونس تبهدلات من غير “المساكني” كلشي كان طافي أغبى نسخة تونسية تفرجت فيها شخصيا وربما #المجبري كان عارف هاد الجو وقال مع راسو والاهم نبقى مع غرفتي ليلاه حن عليا الله وبديت كندخل ولا نمشي نتبهدل مع هاد المبهدلين…
ناميبيا هي أقل فريق سوقيا فهاد الكان، وأفضل لاعب عندو هو الشرويطة “شالولي” ما كاينش شي #ودادي ما عرفوش وواحد كيلعب في ديربي كاونتي أما البقية راه تحشم تصنفهم فين كيلعبو مقارنة مع #القرطجيين، فرقة من اول مقاتلة وكتخرجها نقية واستغلت الوسط التونسي المفروم بطريقة كتخلع من بداية الماتش، حتى صفر نهاية الماتش الحكم #الصومالي “عبد الرزاق ارتان” لما سخيناش عمو #لقجع يجيبو يحترف في دوري آسبرو حكم صومالي وفورمة على قد الحال وكتبان لك كاريزما والقرارات فبلاصتهم ماشي بحال شي قيوش مقصرين بنا هنا….
كيبان ليا مسكين هاد #جلال_القدري موجودين ليه شي صليب في #باب_سويقة، المهم هو توانسة اكملو النتائج الباهرة لفرق شمال افريقيا وتقول #تبون و #قيس_سعيد و #السيسي معيط ليهم #بوتين قالهم راني مقمر في 1xbt على تكونو زرݣين، أما الموريتان فلا حرجة عليهم….
#
